तिमी हाँसीरहनु है ।।

तिमी हाँसीरहनु है

मलाई चाहिदैन बरु अंश

तिम्रो खुसीको, तिम्रो हाँसोको

तर खवरदार,

तिम्रा आँखामा रसाएर सपना

माटोमा तुहिन पुग्यो भने

यो मनलाई पनि पीडा हुन्छ

र कसैलाई पीडा दिने अधिकार

तिमीमा किमार्थ छैन

त्यसैले,

तिमी सधै हाँसीरहनु है

बगौचामा फूल्ने सुन्दर गुलाब जस्तै

तिमी नाचीरहनु है

बनपाखामा गाउदै रमाउने डाँफे र मुनाल जस्तै,

तिमी बाचीरहनु है

जसरी शब्द शब्दमा बाच्दछन् भावना,

कवितामा बाचेको सपना जस्तै

खिल्दै, मिल्दै, चञ्चल, निश्चल

तिमी रम्नु, रमाउनु, हास्नु, हसाउनु

सरल, सुन्दर, सरस र मिठास

गित र गुञ्जनहरुमा, हरियाली र सौन्दर्यतामा

रंग र रंगोलीमा, मन र भावनामा

जसरी फूल्दछ रहर तिमी फूलीरहनु है

सपना बनेर नयनमा साचीरहनु है

पूर्णेको जुन जस्तै

तिमी हाँसीरहनु है ।।