खबरदार

भर्खरै हिड्न सिकेको बच्चा जस्तै

ताते-ताते गर्दै

हिजो गर्भबाट निस्केको सपना

आज जनसंग्रामको चट्टि लगाएर

क्रान्ति भूमीमा

लडीबुडी खेलिरहेको छ ।

बोली फुटेको छैन

र पनि चर्का-चर्का नारा निकाल्दै

भोकाएको चल्लो जस्तै

कहीले यता लडिरहेको छ

कहिले उता लडिरहेको छ,

तर अवोध बालक छ सपना

न त कुनै पहरेदार नै छन्

टुहुरो, असाहाय र कलिलो मष्तिस्क

आज युद्ध भूमीमा उत्रिएको छ ।

अफसोच,

उसका कण्ठबाट चर्किएका रक्त

कसैका कानमा बज्न पुगेन

न त कोहि बेडेन भेटिए

न त कुनै बुद्ध नै प्रकट भए,

तिक्त तिक्त निभ्दै छ सपना ।

खबरदार !

मेरो गर्भको बाल सपना

फूल्न नपाउदै ओईलाई नझरोस् ।

भोकाएर शान्तिको लागि

कुनै सपना जीउदै नमरोस् ॥