कसैकसैलाई

कसैकसैलाई
तर्सिरहन्छु म

कस्तो होला त्यो पल

त्यो अविस्मरणीय बन्नेछ

निशब्दता त पक्कै छाउने छ

हेराहेर त पक्कै हुनेछ ।
यो कुनै मिलन पछिको विछोड

या विछोड पछिको मिलन होइन

हामी अजनवी त रहनेछैनौँ

न नै आत्मीय

के भनुँ म यसलाई

म आफैलाई थहा छैन

त्यसपलको प्रतिक्षा त गरेकै छुँ

तर सामना,

अँह म गर्न सक्दिन ।

सामना त पक्कै हुनेछ

मनमा आँधीवेरी त पक्कै आउने छ

तर के आँधी थामिएला ?

शान्ति वार्ता होला कि नहोला ?
— भवानी खनाल ।